(၁) ရင်းနှီးမြှုပ်နှံမှု ကြီးကြပ်ရေးဌာနခွဲ၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန နှင့် ဆက်သွယ်၍ အခွန်အကောက် ကင်းလွတ်ခွင့်/သက်သာခွင့် ခံစားနိုင်ရန် ပုံစံ(၆)ကို တင်ပြ လျှောက်ထားရန်။

(၂) ရင်းနှီးမြှုပ်နှံမှုလုပ်ငန်းအတွက် ပတ်ဝန်းကျင်ထိန်းသိမ်းရေးဥပဒေ ၂၀၁၂အရ ကနဦး ပတ်ဝန်းကျင် ဆန်းစစ်ခြင်း (Initial Environmental Examination- IEE) နှင့် ပတ်ဝန်းကျင်စီမံခန့်ခွဲမှု အစီ အစဉ် (Environmental Management Plan -EMP) တို့အား သတ်မှတ်ကာလအတွင်းရေးဆွဲ၍ ပတ်ဝန်းကျင် ထိန်းသိမ်းရေးဦးစီးဌာနသို့ တင်ပြရန်နှင့် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီရုံး သို့မိတ္တူပေးပို့ရန်။

(၃) ကုမ္ပဏီသည် မြန်မာနိုင်ငံရင်းနှီးမြှုပ်နှံမှု နည်းဥပဒေ ၁၉၆ အရ ဘဏ္ဍာရေးနှစ် ကုန်ဆုံး ပြီးနောက်(၃)လ အတွင်း သတ်မှတ်ချက်ပါ အသေးစိတ်များ ပါရှိသည့် နှစ်စဉ် အစီရင်ခံစာအား ပုံစံ-၁၁ဖြင့် ပြုစုဖြည့်စွက်၍ ကုမ္ပဏီ၏ website ရှိပါက ကုမ္ပဏီ၏ website တွင်တင်ရန်နှင့် မြန်မာနိုင်ငံ ရင်းနှီးမြှုပ်နှံမှုကော်မရှင်ရုံး၏ website နှင့် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီရုံး ၏ website သို့တင်ပြနိုင်ရန် soft copy, hard copy ဖြင့်တင်ပြရန်။ 

(၄) ကုမ္ပဏီသည် မြန်မာနိုင်ငံ ရင်းနှီးမြှုပ်နှံမှု နည်းဥပဒေ ၁၉၇ အရ လုပ်ငန်းဆောင်ရွက် နေစဉ် အတွင်းသုံးလလျှင် တစ်ကြိမ် လုပ်ငန်းအစီရင်ခံစာကို ပုံစံ-၁၀ ဖြင့် ပြုစုဖြည့်စွက်၍ မြန်မာနိုင်ငံ ရင်းနှီးမြှုပ်နှံမှုကော်မရှင်ရုံးနှင့် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီရုံးသို့ တင်ပြရန်။

(၅) တည်ဆောက်ရေးကာလ/ပြင်ဆင်မှုကာလပြီးဆုံးလျှင် ပုံစံ-၁၄ဖြင့် စီးပွားဖြစ်စတင် ကြောင်း ရင်းနှီးမြှုပ်နှံမှုကြီးကြပ်ရေးဌာနခွဲ၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြား မှုဦးစီးဌာန၊ မြန်မာနိုင်ငံရင်းနှီးမြှုပ်နှံမှုကော်မရှင်ရုံးနှင့် ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီရုံး သို့ တင်ပြရန်။

(၆) အောက်ဖော်ပြပါ လိုင်စင်များအား ပူးတွဲပါဌာနများသို့ ဆက်လက်လျှောက်ထားရန်နှင့် လိုင်စင်များ ရရှိပြီးပါက ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီရုံးသို့မိတ္တူ(၅)စုံပေးပို့ရန်။