အတည်ပြုလျှောက်ထားလွှာတင်သွင်းရာတွင် ရင်းနှီးမြှုပ်နှံမှုလုပ်ငန်းအမျိုးအစားအလိုက် သက်ဆိုင်ရာအဖွဲ့အစည်း၏ခွင့်ပြုချက် သို့မဟုတ် ပါမစ် သို့မဟုတ် အလားတူ စာရွက်စာတမ်းများ ပူးတွဲတင်ပြရမည်။ပုဒ်မ ၃၇ အရ တင်ပြလာသော အတည်ပြုလျှောက်ထားလွှာကို ကော်မတီရုံးသည် လိုအပ်သည့်စိစစ်မှုများပြုလုပ်ပြီး ပြည်စုံပါကလက်ခံခြင်း၊ ပြည့်စုံမှုမရှိပါက ပြင်ဆင်ဖြည့်စွက် ၍ပြန်လည်တင်ပြစေခြင်းပြုနိုင်သည်။ရန်ကုန်တိုင်းဒေသကြီးတွင် လုပ်ငန်းဆောင်ရွက်လျက်ရှိသော ရင်းနှီးမြှုပ်နှံ မှု လုပ်ငန်းများစွာရှိသည့်အတွက် အဆိုပါလုပ်ငန်းများ၏ အထွေထွေကိစ္စရပ်များအား ဆွေးနွေးဆုံးဖြတ်ပေး နိုင်ရန်နှင့် လုပ်ငန်းအသစ်များအား စိစစ်ခွင့်ပြုပေးနိုင်ရန်အတွက် ကော်မတီအစည်းအဝေးများကို တစ်လလျှင် တစ်ကြိမ် ပုံမှန်ကျင်းပပေးလျက်ရှိပါသည်။