တစ်နေရာတည်း၌တစ်စုတစ်စည်းတည်းအလုံးစုံဝန်ဆောင်မှုပေးခြင်းလုပ်ငန်းများဆောင်ရွက်သည့်အဖွဲ့
အဖွဲ့ကို မြန်မာနိုင်ငံရင်းနှီးမြှုပ်နှံမှုနည်း ဥပဒေ အခန်း ၁၆ အရ တစ်နေရာတည်းတွင် လုပ်ငန်းများပြီးစီးစေရန် ဖွဲ့စည်းခဲ့ပါသည်။ မြန်မာနိုင်ငံရင်းနှီးမြှုပ်နှံမှုကော်မရှင်အတွင်းရေးမှူး ကြီးကြပ်ကွပ်ကဲမှုအောက်တွင် ဒုတိယညွှန်ကြားရေးမှူးချုပ်က အဖွဲ့၏ခေါင်းဆောင်အဖြစ် တာဝန်ယူပါသည်။ ရည်ရွယ်ချက်များမှာ အောက်ပါအတိုင်းဖြစ်ပါသည်-
- ရင်းနှီးမြှုပ်နှံသူများမှ ၎င်းတို့၏ ရင်းနှီးမြှုပ်နှံမှု လုပ်ငန်းများ အား အကောင်အထည်ဖော်ရာတွင် လမ်းညွှန်ချက်ပေးရန်၊
- ရင်းနှီးမြှုပ်နှံမှုအား အကောင်အထည်ဖော်ရာတွင် သက်ဆိုင်ရာ ဥပဒေအရလျှောက်ထားတင်ပြရန် လိုအပ်သည့် လျှောက်ထားလွှာများအား အစိုးရဌာန၊ အစိုးရအဖွဲ့အစည်းများ ကိုယ်စားလက်ခံရန်၊
- ဥပဒေပုဒ်မ ၄၈ (က) အရ အစိုးရဌာန၊ အစိုးရအဖွဲ့အစည်းမှ ပြုလုပ်နိုင်သည့် ဆုံးဖြတ်ချက်(သို့မဟုတ်)ဆောင်ရွက်ချက်များနှင့် သက်ဆိုင်သည့် သတင်းအချက်အလက်များအား တောင်းခံသည့် တောင်းဆိုမှု များအား လက်ခံသွားရန်၊
- နစ်နာဆုံးရှုံးမှုများဖြေရှင်းရန် ရင်းနှီးမြှုပ်နှံမှုအကူအညီပေးရေး ကော်မတီအား ထောက်ပံ့ကူညီရန် နှင့် ရင်းနှီးမြှုပ်နှံသူများအား အကူအညီပေးရန်၊
- ရင်းနှီးမြှုပ်နှံမှု ကြီးကြပ်ရေး ဌာနခွဲအား အကူအညီပေးသွားရန်၊
အဖွဲ့ကို အောက်ဖော်ပြပါ အစိုးရဌာနများဖြင့် ဖွဲ့စည်းထားပါသည်-
ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန
ကုန်သွယ်ရေးဦးစီးဌာန
အကောက်ခွန်ဦးစီးဌာန
ပြည်တွင်းအခွန်များဦးစီးဌာန
မွေးမြူရေးနှင့် ကုသရေး ဦးစီးဌာန
ငါးလုပ်ငန်းဦးစီးဌာန
ပတ်ဝန်းကျင်ထိန်းသိမ်းရေးဦးစီးဌာန
စိုက်ပျိုးရေးဦးစီးဌာန
လူဝင်မှုကြီးကြပ်ရေးဦးစီးဌာန
သတ္တုတွင်းဦးစီးဌာနနှင့်မြန်မာ့ကျောက်မျက်ရတနာ ရောင်းဝယ်ရေးလုပ်ငန်း
စက်မှုကြီးကြပ်ရေးနှင့်စစ်ဆေးရေးဦးစီးဌာန
အလုပ်သမားညွှန်ကြားမှုဦးစီးဌာန
ဟိုတယ်နှင့် ခရီးသွားညွှန်ကြားမှု ဦးစီးဌာန
ရန်ကုန်လျှပ်စစ်ဓာတ်အားပေးကော်ပိုရေးရှင်း
ရန်ကုန်မြို့တော်စည်ပင်သာယာရေးကော်မတီ
မီးသတ်ဦးစီးဌာန